Cəlilabad gəncləri Quba Soyqırımı Memorial Kompleksini ziyarət ediblər

01 aprel 2022 | 16:00

31 mart 2022-ci il tarixdə Cəlilabad Rayon Gənclər və İdman İdarəsinin təşkilatçılığı ilə "31 Mart - Azərbaycanlıların Soyqırımı Günü" ilə əlaqədar idarə əməkdaşlarının, Ombudsmanın Regional Mərkəzinin, Rayon Təhsil Şöbəsinin, Masallı Regional Mədəniyyət İdarəsi Cəlilabad MKS-nin, ADPU Cəlilabad rayon filialının TGT-nın, rayonun fəal gənclərinin iştirakı ilə Quba rayonunda yerləşən Quba Soyqırımı Memorial Kompleksinə ekskursiya təşkil olunub.

Ekskursiya zamanı gənclər Quba Soyqırımı Memorial Kompleksini ziyarət etmiş və kütləvi məzarlıq üzərinə tər çiçəklər düzüblər.

Ziyarət zamanı Kompleksin mütəxəssisləri tərəfindən iştirakçılara 1918-ci ildə baş verənlər barədə ətraflı məlumat verilib, sənədlər və faktlarla tanışlıq imkanı yaradılıb.

Ekskursiya çərçivəsində gənclər həmçinin Quba rayonunda yerləşən "Qırmızı qəsəbə"də olmuş və rayonun digər tarixi yerləri ilə tanış olublar.

Keçidlər