Azərbaycan millisi Ermənistana qalib gəldi
27 iyul 2022 | 10:00
San Marinoda gənclər arasında təşkil olunmuş Avropa Çempionatının “C” divizionunda 18 yaşadək oğlan basketbolçulardan ibarət Azərbaycan milli komandası B qrupunda üçüncü görüşünə çıxıb.
Ermənistan seçməsi ilə qarşılaşan Tahir Baxşıyev və Anar Sarıyevin rəhbərlik etdiyi və 3 cəlilabadlı idmançının da yer aldığı (Azər Əzimov, Varid Ağasızadə, Hüseyn Əsgərli) Azərbaycan yığması ermənilər üzərində qələbə qazandı. Azərbaycan millisi görüşə üstün başlayıb və yekunda rəqibini 76-65 hesabı ilə məğlub edərək parketdən qələbə ilə ayrılıb.
Bu qələbədən sonra milli komanda turnirin yarımfinalına vəsiqə qazanıb.
Azərbaycan millisinin qrupdakı sonuncu rəqibi Moldova komandası olacaq. Oyun iyulun 28-də Bakı vaxtı ilə saat 14.30-da start götürəcək.
Keçidlər
